| Florida Zomi Innkuan Florida, U.S.A Since 2000 |
 |  |  |  |  |
Welcome to Florida Zomi Innkuan
| zomifla@yahoogroups.com zomiflorida@yahoogroups.com |
| zomiflorida.org |
Florida Zomi Innkuan Combine Service August 22, 2008 Florida Zomi Innkuan Combine Services pen August 22, 2008 ni in M.C.C Baik Inn, Hollywood, Florida ah nop ci tak in ki bawl hi. Tua lai ah Malaysia leh mun tuam tuam pan hong pai te mi 20 val bang mai thak muakna ki nei thei hi. Pa Lian Thawn Thang in Hunuk na hong nei aa, Sia En Thang in kha an hong vak in ki lawh cing mah mah hi. Hong ki khawm Zomi te khat ciat Pasian thupha hong pia ta hen. |
Click photos to enlarge
Lai Siangtho sim-na: Piancil 41: 41-46 Faro in Joef kiang ah “Izipt gam khempeuh a uk dingin nang kong koih khin zo hi,” a ci hi. … Izipt kumpi pa Faro’ nasemin a tum hunin Josef kum sawmthum pha hi. A masa in, tuni-a, hong pai Zomi uu le nau a kua mah peuh ih biak Pasian’min tawh leh FZI min tawh kong vaidawn hi. Tuni ih kikhop khawm na ah hih zah tak nong pai theih man- un, lungdam mah mah hang! Topa in thupha hong pia kim tek hen! in, hong tung thak ih Zomi pih te’ lak ah zong ta leh nau in, hong tung thak ih Zomi pih te’ lak ah zong ta leh nau tampi tawh pawlcing-in, nuam ih sa hi. tampi tawh pawlcing-in, nuam ih sa hi. Zomi nute-pate in, hih ih-ta ih-nau te mailam ciangin, a bangci mi hong suak le uh ih ut hiam? Mipil, milian, mihau hong suak le uh ih ut hiam? Mizawng, mihai, miguta peuh hong suak le uh ih ut hiam? Ih ta, ih nau te’ aading deih sakna, tupna ngim-na khat peuh ih nei hiam? Tuni-a, ih deih sakna a om bang bang, amau’ aading a, ih tupna, ih ngim na a om bang bang in, nikhat ni ciangin, ihta ihnau te hong piang ding uh hi. Tupna, Ngimna, Sun-mang, Mang-mat na, Maang-muh na (dreams/visions) ih cih te; Pasian in, a lamdang tak-a, a piak a-om mah bangin, mihing te khat leh khat ki makaih in, ki- hilh lam ki lak-a, aki thei a ki-ngah zong om hi. Tua cibang tup na ngim na ih neih kei lim lim leh tu-a, ihta ih nau te hong kisia mang ding hi. Lai Siangtho in, tupna ngim-na (dreams/visions) a om kei leh mite kisia hi ci hi. (Paunak 29: 18). Ih Lai Siangtho sim na enkik leng-hang, Zawtah, akum tawm mah mah lai a khangno mah mah lai-in, Egypt gam pumpi-a, mi lian-pen suak hi. Ih ta, ih nau te America gam ah, milian, mihau, mipil vi-ve hong suak le uh ih ut hiam? I hut nakleh hong suak thei uh hi. Nikhat ni ciang-a, Egypt gam sung-a, a lian mah mah ding pa Zawtah pen, aki pat cil-in, Mang-mat na (dream) khat tawh ki pan hi. Hih pen Pasian in alam dang mah mah a, Zawtah a piak (dream) khat a hih man-in, a mah in zong tua thu a tawntung in, a lungsim sungah ciamteh den in, ngaih sun tawntung hi. Tua ci bang-a, a ngaihsut tawntung thu in, amah kai-kai in, pai pih-pih in, nikhat ni ciangin, tua kung (goal) ah tunpih hi. Zawtah , Egypt gam ah mi lian pen suak hi. Tuma kum 40 hun lai-in, mivom makai Martin Luther King Jr. in “I have a dream” ci-in, thugen na minthang mah mah khat nagen ngei hi. “Nikhat ni ciangin, hih America gam naupang te, a vuntung-a, avom, akang cih te tawh ki uk loding-a, amau’ gam tatna tung tawn-in, ki uk ding hi” ci hi. Matin Luther King Jr. in a-tup a-ngim tampi te’ lak ah tukum in khat tangtung ding hi leh ki lawm hi. Tua in, Barak Obama Presidentcy? Tua ahih man-in, ih ngim phot lim lim nak leh , piang thei hi. A beisa kum sungin, leitung bup mihau pen-pen sawm (top ten) lak ah ihgam veng India mi 4 paa zen hi. Nikhat ni ciangin, top-ten lak ah Zomi sagih bang paa leh zong phamawh lo hi. I hut-a, ih ngim leh piang thei hi. Ih deih sak ih ta ih nau te lam ihlah kul hi. Zawtah atup na kung (goal) ah baih tak-in, tunglo hi. En zong ham satna tampi nawk-in, puul-in, ihta ih nau te pantah ding hi hang. Ka neu lai-in, ka sia pa khat (Sia Hang Khan Pau) in, na gol uh ciangin, bang na suak nuam uh hiam ci-in, hong dong tawntung hi. Tuahun lai-in, Pasian’ hong piak vision tuam khat lah ki theilo, Nu le Pa, uu le nau in lah vision khat nei keei dingin, lam honglak thei keei samlo ahih man-in, ka sia pa’ hong dot na ka dawng thei pha hetkei uh hi. Tua mah bangin, a tawp na ah a thupi lua het lo peuh ka suak mawk uh hi. Hih pawlpi a upa khat (Pa Neng Khan Pau) in, khat vei a inn ah thunget na hongs am ngei-a, ei Zomi te ih hak sat na tam mah mah ahih ciang’ ka tate immigration officer cih bang Lawyer cih bang hong suak le uh u ting! Thu hong nget sak un ci-in, hong gen ngei hi. Inn teek pa-in, a tate tua bang ding-in, a deih nak leh nikhat ni ciangin, hong piang takpi ding hi. Ih ta-te, ih nau te-in, mipil, milian, mihau, mithupi a suak theih nading un, ut na, tupna , ngim na a neih theih na ding un, makaih in, pantah ding hing! Hak sat na tampi nawk in, pantah ding hi hang! Tu-in, ih ki pat pah kei leh Zia-kai ding hi hang. Zogam Thak America gam ah Pasian in, Zomi te thupha hong pia hen-la, tua cibang mi-thupi tampi hong piangsak ta hen! -Rev. Vung En Thang. |
Zogam Thak Ahi America Gam-a, A-Om Zomi Te-in Ih Khantoh Nading Ngimna Tupna Nei Kim Ciat Ni -(Hih thu gen-na pen, Rev. Vung En Thang in Florida Zomi Innkuan Kikhop Khawm-na, Friday, August 22, 2008 ni-a, a gen thu ahi hi) |
| Web Master & Chief Editor Tawng Khai zokhai@yahoo.com |