Zomi National Day-2008

City, State

Palm Beach Veng ZoLaam, Hui sai min lian

Special Prayer, Sia Meng pu

Welcome Speech-President Pa Hangpi

Zomi Nam Ni leh Zomi te Thupitna

                           -Taang Tawng Cin Khai
                           Main Speaker, Zomi Nam Ni-2008, Florida, U.S.A

Zomi nam ni hong pian khiat na
1888 kum Mangkang ten Zogam sim hong ki pat lai tak in Zomi te ei leh ei a ki
uk a suakta mi nam te ih hi hi.

1896 kum ciang in Mangkang te in ih Zogam ukpi te tung tawn pan in uk sawn
na “Chin Hill Regulation 1896” cih tawh hong uk kipan uh hi.

1948 kum Mangkang te khut nuai pan suahtakna ih ngah zawh ciang in Zomi te
ukpi ukna tawh ki uk suak ding deih maw?, a hih kei leh mipi thuneihna
(Democracy) tawh ki ukna deih zaw maw? cih teel theih na thu hong om hi.

Zogam mun tuam tuam pan in tua hun lai tak aa Zogam khuapi ahi Falam ah ki
kai khawm in February 20, 1948 ni in Kawlgam Kumpipa Satswetaik hong
makaih na tawh me khiat na ki nei hi.

Mipi 5000 sung pan in 7 in ukpi ukna tawh ki uk suak ding deih in, 4993 in
mipi thuneihna(Democracy) tawh ki uk ding deih uh hi cih metang tawh khen
sat na ki nei hi. Tua pan ki pan in “Chin Special Division Act 1948” cih
Zogam ki ukna hong piang khia aa, Kawlgam Parliament ah “Chin Affair
Ministry” ci in Ministry khat in ki ding in tua tung tawn pan in hong ki uk ahi
hi.

Zomi Nam Ni in Zomi te Democracy ih ngah ma sak pen nani hi aa, ki thu tuak
leng mipi thu tawh kumpi ki ukna zong ki laih thei hi cih ih phawk den ding a
thu pi mah mah a hi hi.

Zominamni bang ci kem cing ding
Kawl ngam kumpi in kum sim in Zomi Nam Ni hong bawl sak lo bek tham lo
in Zomi Nam Ni a bei mang theih na ding in “Chin Hill Day” cih leh “Chin
State Day” cih min te tawh hong laih sak ding han ciam na tampi hong nei khin
zo uh ahi hi.

Kawl kumpi in ah ihminam, ihlai, ihpau, ihngeina leh ihbiakna teng a bei mang
theih na ding a nam tuam tuam in hong han ciam na tawh ki zui in tu in ih
Zogam ah Zolai hong sin sak nawn lo uh hi. Zomi khang sawn te in ih zolai
theilo in ih zopau pau nawn kei le hang tuzo kum 50, kum100 zawh ciang ih
minam mang thap ding aa Zomi Nam Ni zong ki bawl nawnlo thei kha ding hi.

Tua a hih man in ih innkuan sung pan ki pan in ih tu ih ta te zolai leh zo ngeina
theisak aa zopau ih pau sak hamtang ding Zomi mimal khatciat in mawhpuak
in nei ciatni.

                    Minam thupi te ih hih na

Gal hang mi nam te ih hi hi

Mangkang ten hong zolo
Mangkang ten Zogam hong simciang in
Zomi te gal hang lua ih hih man in hong
zo zolo uh aa, “Siallum” kidona mun pan
in Mangkang te khat in England te ii gal
han na lam ah a sang pen ahi
“Victoria Cross” pahtawina a ngah ahi hi.

Hih zah aa galhang Zomi te do in mi
tampi ih sih sang in pawl bawl zaw in
a ukpi te tung tawn pan in uksawn
theihna bawl zaw ni a cih man un ah
Zogam ah ukpi ukna hong piang khia
ahi hi.

Japan ten hong zolo
Leitung Galpi nihna ah Japan ten India ngam sung a lut theih nading un Zogam
a tawt kul uh a hih man in Zogam hong sim masa uh a, a hih hang in a gal hang
lua Zomi te hong zo zolo uh a hih uh man in India ngam a la zolo uh a hi hi.
Hih thu pen Mangkang te in ah “Zomi te gal han na hang in Japan te India hong
tung to zolo uh a, Zomi te in tampi ka sih, ka sup na ding uh pan in hong hon
khia uh hi” ci in a tang thu sung uh ah a na ciam teh uh hi.

Kawlte’n hong kihtak na
1950 kum in Kawlgam kumpi in Zangkong khuapi kim tai 6 sung bek uk
theihna nei uh a, a dang Kawlngam sung teng khempeuh ngamsung ngalkap
namtuam tuam te in a la khin ta uh ahi hi.

Tua hun in “Chin Battalion” a ki ci Zomi galkap Battalions 6 a om hi. Tua teng
in Kawlngam sung aa ngal tuam tuam teng hong sim uh in, kha tawm vei sung
in kawlgam gal khempeuh zo siang uh hi.

Tua pan ki pan in Kawlte’n ngalhang, ngalsiam te ci in hong kih tak man un
Chin Battalions teng a bei mang ding in bawl uh in, Zomi ngalkap mang teng
khawl sak uh a, galkap a neu lam teng mun khempeuh ah hong theh thang mang
uh hi. Zogam in a suakta gam khat aa ih din ding ciang tua ih galkap Battalion
teng tawh ih ki pat ding hong kih tak man uh a hi hi.

Kawl te tawh tan bang kim ding te hi hang (Zogam, Zo Country)

“UN Charter Chapter 11, Article 73” na ah Mangkang te ukna sung pan ih
suah tak ciang in Burma Frontier Areas a kici Chin, Kachin leh Shan ngam te in
Kawlgam tawh ki kim in ngam khat tek aa suakta in ding thei ding cih thu a om
hi.

A hih hang in tua ngam li teng pen “Union of Burma” cih min tawh ngam khat
in ki pawl khawm aa Mangkang te ukna sung pan suah tak na lakhawm ding cih
ki thukim na “Pinglong Agreement” pen 1947 kum February 12 ni in ki nei hi.

Pinglong Agreement thukimna ih neih zawh kum 10 a cin ciang tua a ki pawl
khawm ngam li teng in ei leh ei ngam khat, kumpi khat aa ih din nop leh ding
thei ding cih thu kim na a om a hi hi.

A hih hang in Zogam a suakta gam(Independent Country) khat aa ih din theih
loh na ding ngim na tawh Kawl te in 1962 kum pan in ngalkap ki uk na tawh
hong uk cip uh aa, Pinglong Thukim na hong bei sak uh a hi hi.

Democracy ngah le hang Pinglong Thukimna tung tawn in Kawl te ukna sung
pan Zogam ih pai khiat ding lau uh a hih man in Kawl ngalkap kumpi in
Democracy Kawl ngam ah a pian theih loh na ding han ciam uh aa, tu in a hih
leh ih Zogam ah galkap tampi hong koih uh in ihngam in ih siat lawh dik dek
khin ta hi.

A tak tak in a hih leh Kawlte khut nuai aa om ding te ih hi het kei aa, ei leh ei
suah ta tak in gam picing 'Independent Country' khat a a ding ding te ih hi hi.
Hih thu pen Zomi khempeuh in pai san het lo aa Zogam ih pal luun dong in ih
han ciam ciat ding ahi hi.

Mangkang te tawh tan bang kim ding

America leh a khangto ngamte ah a tung Zomite in ih tuna gam aa mi te tawh
pilna, simana, hauhna leh nopsakna khempeuh te ah tan bang aa ih ki kim zawh
nang han ciam ciat ding hi hang.

America leh a khangto gamte aa om saang hoih pen teng ah Zomi sangnaupang
te a dim in om in pilna sang pen teng sin in mi gualzo pen te teng lak ah ki hel
sawm ni.

Ih ngeina, ihlai, ihpau ih kep cing zawh na leh, pilna siamna hauhna te ih neih
zawh na tawh mi nam lian dang te tawh ki kim zawh sawm ni.

Teltuam minamte hi hang

Zomi te in Pasian tel tuam minam te ih hih man in Zomi ih hih na hang bek bek
in bang khempeuh ah a gual zo ding te ih hi hi. Tua upna tawh kalsuan in ma ih
nawt leh gual tawh tan bang kim bek thamlo in gual tung tuang ding minam lian,
mi nam thupi te ih suak ding hi.

Tung Sianmang naubang a pom(Zomi) te, A paal lun tuibang luangluang ding
Simlei milun zatam teng sang, Gual tung tuang va bang pil ding

Fort Lauderdale Veng, lapawl

Palm Beach Veng Zolaam, Zomi Nam Ni lam bang paak ni

Palm Beach Veng Zolaam, Hui sai min lian

                 Zomi National Day , 2008 Celebration!
                                                  Zomi Nam Ni nasia tak in ki bawl

Zomi National Day(ZND) falls on February 20, and it is observed and celebrated splendidly by
Florida Zomi Innkuan every year.

In 2008, ZND was held at Oakland Park, Florida.
The celebration included two spectacular cultural dances,
a group song and 12 famous Zo songs sang by various
talented local singers.

Below: Photos scenes from ZND '08 celebration