Home

Membership

Florida Zomi Innkuan kipawlna in biakna leh gamsung thu te tung tawn aa kipawlna hi lo aa, Zomi leh Zogam khan toh theih na
ding-a, pan khawm theih na ding leh Florida leh USA gam sung-a om Zomi te ki huai khawm theih na ding gim na tawh hong
ki hong khia a hihi. Tua a hih man in Zomi khempeuh hih ki pawlna ah ki lut thei hi.

Florida State sung leh U.S.A gam sung aa om Zomi te Florida Zomi Innkuan kipawlna ah nong lut na ding un Zomi te khat ciat
it na tawh kong zawn uh hi.

Tupna leh Ngim Na Te ( Aims and Objectives) leh Kipawl Na Din–zia leh
Kalsuan-zia (Motive of the Organization Define) te aki cing zaw in About Us
leh Bylaw (Kipawlna Thu Khun Pi ) laimai te ah na en ta in.

Pawl lut na leh Pawl Tawp Na ( Membership):

1. USA Gam sung-a, a om Zomi a ut khempeuh, kipawl na in a huam mi te, pawl-huam mi hi ding hi.
2. FZI Thukhun Pi leh Zat Dan Ngei Na Te thukim-a kipawl khawm na a ut pawl-huam mi khempeuh in, Pawl Lut
nasum (Membership Fees) pia–in, Pawl lut thei ding hi.
3. Pawl Lut mite tung ah Khasim sum (Monthly Fee) ki dong den ding hi.
4. Pawl Lut Mi khat in a ma ut thu-in, Kipawl Na pan a ut hun-hun in, tawp thei ding hi.
5. Pawl Lut Mi khat peuh; Pawl lut mi a tam zaw thu kim na a om leh ki pawl na pan in ki tawp sak thei ding hi.

Phat Tuam Na (Benefits):

1. Pawl Lut Na sum pia-a, Khasim sum a pia den pawl lut mi khat peuh a sih leh Dong-Hu phat tuam na sum a ki seh sa
zah ki pia ding hi.
2. Pawl Lut Mi Khat peuh ii Nu leh Pa (Nu kik ,Pa kik), zi leh pasal, tate leh sang gam laigui zom te in, sih na a tuah uh
leh, Biak na lam ma kai te leh veng ma kai te vai hawm na tawh heh nep ki khop na ki nei pih ding hi.

Pawl Lut Dan Leh Pawl Tawp Dan (Enrolling and Terminating Membership):

1. Pawl Lut Na sum (Membership Fee) US $ 20.00 (Sawm Nih) tawh pawl lut na ki bawl ding hi.
2. Kha sim sum (Monthy fees)mikhat US 5.00 (Pek Nga) hi ding-a, inn kuan khat ah Pawl lut mi nih leh a tam zaw a om
leh US $ 10.00 (Sawm Khat )hi ding hi.
3. Khan Tawn Pawl Lut Na (Life Membership) a bawl nuam te a Pawl Lut cil ni-a, ki pan kum sawm-nga ki sim-in, tua
zah man kha sim sum ki la ding hi.
4. Pawl Lut mi khat ama’ ut thu in, pawl tawp a hi zong in, ki tawp sak a hi zong in, pawl tawp na khat peuh peuh a om
ciangin, tua pawl tawp te-in, a piak khiat sa pawl lut na sum leh khasim sum te ki pia kik lo ding hi.
5. Pawl lut na sum kha thum ki zom-a, a pia lo te leh Ki Pawl Na sung na sia tak-a, a nawngkai sak Pawl Lut mi te tawh
ki sai-in, Pawl Lut mi a tam zaw thukim na a om leh Pawl Ki Tawp Sak thei ding hi.

Membership Summary

Pawl Lutman (Membership-Registration Fee)

Khat vei bek pia kha ding
Mi mal khat (Individuals) -$20
Innkuan(Family) te - A mi pha zah leh $20 khang sak ding

e.g: Mi mal 5 apha Innkuan => 5* $20 = $100

Khasim Pawl Sum (Monthly Fee)

Kha sim piak ding. Kum khat ai, kha guk ai cih bang in ki lom piak thei.
Innkuan khat(Family) -$10
Mi mal khat (Individuals) -$5

Pawl Huam Mi (Eligibility of Membership)
-Who is eligible to become a member of Florida Zomi Innkuan?

USA Gam sung-a om Zomi a ut khempeuh
FZI Thukhun Pi leh Zat Dan Ngei Na Te thukim-a kipawl khawm na a ut pawl-huam

mi khempeuh

Pawl lutna leh kha sim sum (Membership Fees) a pia te

Pawl Lut Dan Ding (Becoming a Member-Registration)
-How do I become a member?

Pawl lut na pen E.C Makai te khat peuh tung ah, a hih kei leh, Veng Makai te tung ah ki pia thei hi.
Membership Form leh Membership Card cih te om lo ding a, pawl lut na sum na piak ciang Receipt hong ki pia ding hi.

Khasim Sum Piak Dan Ding(Membership-Monthly fee)
-How and where do I pay the monthly membership fees?

Pawl lut na pen E.C Makai te khat peuh tung ah, a hih kei leh, Veng Makai te tung ah ki pia thei hi.
Pawl lut ngei sa pawlmi te in kum thak a tun ciang in kum thak zawh kha thum a cin ma in khasim sum piak a kul hi.
Khasim sum pen khasim in, a hih keih leh, kum khat ai a vekpi in kipia thei hi.

Pawl Tawp Theihna (Termination of Membership)

Pawl Lut Mi khat in a ma ut thu-in, Kipawl Na pan a ut hun-hun in, tawp thei ding hi.
Pawl Lut Mi khat peuh; Pawl lut mi a tam zaw thu kim na a om leh ki pawl na pan in ki tawp sak thei ding hi.

Kipawlna(Membership) tawh ki sai aa theih nop tuam tuam a om te Makai pi te tung ah ki dong thei hi.