| Zomi World Cup Tangthu Tomkim Hih ah tung aa ih thu lu tawh kisai in, ah taangthu tomkim kong gennuam hi. 1999 kum Easter Sunday zangding in S. Florida ah Zomi pasal vive giat(8)bek ka pha uh aa, pawi leh a tuamtuam bangmah dang ki bawlthei nai lo a hihman in Disney world Orlando ah ka paileltak uh aa, ki gim mahmah bek mawk hi. Pasian in Zomi te thu pha hong pia toto in kumkhat hongcin khitciang(one year later) Easter Sunday 2000 kum hongtun ciang, pawibawl thei ding in Zomi hong ki kai khawm in 40-50 vaalbang ki pha hi. Tua pawipi sung mah ah Florida Zomi Innkuan USA cih hong ki phut khia ta hi. Ah khang to Zomi te pen lampi tuamtuam pan S. Florida hong ki tun beh semsem in, 2001, 2002 hun pawlciang in Inn(apartment)sung ah hong ki ta nawn mel lo in thu gen leh lasak bek zong nuam hong ki sa nawn lo hi. Tua hunlai tak in kei pen Zomi Innkuan veng khenna Miami veng ah haasapu ka hihmawk veh leh FZI ma kai te thu siamna tawh E.C. member khat in hong ki sang hi. 2002 Thanks giving pawi bangcihbawl ding cih thu ki kupna ah ka ki hel aa, tua pan in ken bangbang a hi zong in tu kum mi zong tam ih hih man in in sung ci nawn kei ni in a paw lam ah ki mawlna khat vai hawm ding hi hang ci in ka ngaihsutna ka gen hi. Tua bang a hihleh bang hihding cih ki ngaihsun in, kei mah in baw lung suih pawi(baw lung ki demna) bawl ni ka ci aa, tua ah hih leh kuan a vai sai zo ding cih hong hi leuleu mawk ei. Kei zong theihna siamna bangmah omlo pi mah in ken ma kai ning ka ci hi.Tua ni taak mah in ki kipsakpah lian hi.Tua pan in FZI cup ciin veng li(4) in ka khen uh aa, tua kum in kei ma kai pi leh honghuh ding in Zam Lian Dal tawh kong pang khawm uh aa, tua kum in nuamtak leh thu pi tak in ki bawl zo hi.Ken ma kai hihna kum thumsung ka sem aa, 2005 kum in Pa Sian Ngen Kam in hong sepsak in. 2006 ciang Pa Nang Lian Dal in hong lento hi. Tua kum ma kai pi pa in vai tuam tuam te hongvai hawm pih in hong cihna tawh ka hih theih khawmkhawm in ka huh zelhi.2006 kum pen D.C. Zomi te leh Tulsa Zomi te hong ki hel zo ding hi ungh hong cihna uh tawh ki zui in ka lungsim sung ah mai lam saupi ngaih sut na in Zomi World Cup USA tawh FZI pan ka na khek to uh hi. Tu ni ciang in Lei tungbup ah Zomi ten Zomi World Cup USA cihpen ki thei (ki za kha) ta hi. Tu kum in zong team ki behlap to zel in Florida pan teams nga(8) leh a dang states 5 pan in ki mawl na thu pi tak omding hi. A dang pan aa ki hel thei ding team te pen: 1. Okalahoma Zomi, O.K 2. Atlanta Zomi, GA 3. Chicago Zomi, IL 4. Washington D.C Zomi 5. Central Florida Zomi 6. Jacksonville Zomi, FL 7. Columbus Zomi, OH 8. United Tulsa, OK Hih baw lung suihna aa, ki helzah leh ciam tehna ngahzah (record) a nuai aa bang in ki nei hi. A tung aa number nihna Kendall Florida Zomi te in tu lai tak in ciam tehna sangpen ngah uh hi. Kum nih ah ki zom in khatna ngah, tua ban ah khatna tamvei ngahpen hi lai hi. With two star Zomi World Cup USA. Tu lai tak ah mau kheng thei ding in Tulsa O.K. Zomi te lam etna om thei pen hi. Kumlui khatna tawh. Mai lam ah Pasian in Zomi te thu pha hong pia ding aa Lei kiu li pan in Zomi te ah pai khawm thei ding in hongsiam ding hi. - En Lian Pau, FZI Sports Secretary(2007-2008) |
| Florida Zomi Innkuan Florida, U.S.A Since 2000 |
 |  |  |  |  |
Welcome to Florida Zomi Innkuan
| zomifla@yahoogroups.com zomiflorida@yahoogroups.com |
| zomiflorida.org |
Zomi World Cup, U.S.A |
Lei tung mun tuam tuam aa om Zomi te ki pum khat theih na ding gelna, deihna tawh "Zomi World Cup-U.S.A" ci- in U.S.A gam aa om Zomi te in kong ki pan khia uh hi. Hih pen Florida Zomi Innkuan in kum sim aa ka neih uh a hi "Florida Zomi Innkuan (FZI) Cup" pan hong ki zom to suak hi aa, 2007 pan ki pan in Zomi khempeuh a huam theih na ding gimna tawh Zomi World Cup - U.S.A ci aa hong ki phuak khia a hihi. Tu lai tak in pen U.S.A gam pua aa om Zomi te hong ki hel zo nai lo uh a, a hih hang in mai lam ah ni khat ni ciang in Leitung mun tuam tuam pan Zomi te ki kai khawm thei aa, U.S.A ngam ah a hih kei leh gam tuam tuam te ah ki kawm ziah ziah in ah itna, ki pumkhatna tawh tuk peng ih ki mawl khawm theih na ding ih gim leh ih thu get a hi hi. |
| Web Master & Chief Editor Tawng Khai zokhai@yahoo.com |
| ||||||||
| ||||||||||||||||||||||||||||||||||||||||||||||||||||||||
